Xəbərlər

Sumqayıt Bələdiyyəsi Azərbaycan metallurgiyasının veteranı Tofiq Həsənovu 80 illik yubileyi münasibətilə təbrik etmişdir

24.11.2014

Bugünlərdə Sumqayıt Bələdiyyəsinin kollektivi Azərbaycan metallurgiyasının veteranı, uzun illər Sumqayıt Alüminium zavodunda çalışaraq, adi fəhləlikdən müəssisə direktoru vəzifəsinədək yüksəlmiş, sonralar isə respublikanın “Metallurgiya” Dövlət Şirkətinə rəhbərlik etmiş Tofiq Həsənovu 80 illik yubileyi münasibətilə təbrik etmişdir.

Sumqayıt Bələdiyyəsinin sədri professor Əbülfəz Babayev Sumqayıtın qara və əlvan metallurgiyasının inkişafında Tofiq Həsənovun xidmətlərini yüksək qiymətləndirərək, onun son illərdə Sumqayıt Bələdiyyəsində də öz zəngin təcrübəsi ilə səmərəli fəaliyyət göstərdiyini, əməksevərliyi, işgüzarlığı ilə gənclərə nümunə olduğunu vurğulamış və 80 illik yubileyi ilə bağlı onu Bələdiyyənin Fəxri fərmanı ilə təltif etmişdir. Yarım əsrə yaxın əmək fəaliyyəti göstərərək, Sumqayıt sənayesinin inkişafı naminə yorulmadan çalışmış veteran metallurqa kollektiv adından hədiyyə təqdim edilmişdir.   


Sumqayıt Bələdiyyəsi şəhərin 18-ci məhəlləsində yol və səkilərin təmir-abadlıq işlərini uğurla davam etdirir

14.11.2014

Sumqayıt Bələdiyyəsi 65 yaşlı şəhərin ilk yaşayış massivlərindən olan 18-ci məhəllədə yol və səkilərin yenilənməsi üzrə başladığı abadlıq işlərini uğurla davam etdirir.  Artıq məhəllədəki binaların bir-neçəsini əlaqələndirən daxili yol və səkilərə asfalt döşənmiş,  torpaq sahələrinin yararsız hala düşərək, əvvəllər gediş-gəlişi çətinləşdirən çökəklik hissələrinə əlavə çınqıl daşınıb-tökülərək,  hamarlanmışdır.  Sakinlərin istəyi nəzərə alınaraq, bəzi yerlərdə yeni piyada yolları salınmışdır.


Sumqayıtın nümayəndə heyəti Gürcüstanın Rustavi şəhərinin bayram tədbirlərində iştirak etmişdir

11.11.2014

Artıq 45 ildən çoxdur ki, respublikamızın kimyaçılar, metallurqlar, energetiklər və inşaatçılar şəhəri kimi tanınan Sumqayıtı Gürcüstanın Rustavi şəhəri ilə möhkəm dostluq əlaqələri bağlayır. Bu iki qardaşlaşmış şəhərin nümayəndə heyətləri vaxtaşırı olaraq görüşür, müxtəlif sahələr üzrə təcrübə mübadiləsi aparır, qarşılıqlı əlaqələri ildən-ilə genişləndirirlər. Bugünlərdə isə Sumqayıtın nümayəndə heyəti Rustavidə keçirilən “Şəhər günü”  tədbirlərində iştirak etmişdir.


Sumqayıt Bələdiyyəsinin kollektivi Dövlət Bayrağı günü münasibətilə keçirilən şəhər tədbirində iştirak edib

06.11.2014

Sumqayıt Bələdiyyəsinin kollektivi ölkəmizin rəsmi dövlət atributlarından biri olan Azərbaycan bayrağına həsr olunmuş təntənəli şəhər tədbirində iştirak etmişdir.

Şəhər rəhbərliyinin, müəssisə və ictimai təşkilatların nümayəndələrinin, təhsil və səhiyyə işçilərinin və minlərlə məktəblinin Bayraq meydanında toplaşdığı  geniş miqyaslı tədbirdə ilk öncə dövlətimizin əzəmətli himni səslənmişdir. Sonra şəhərin başı üzərində Sumqayıtın məktəblilər xorunun ifasında Vətənə, Dövlət bayrağına, bugünlər  65 yaşı tamam olan doğma Sumqayıta həsr edilmiş, Azərbaycanın bütün sahələrdə sürətli inkişafını, xalqmızın böyük nailiyyətlərini tərənnüm edən mahnılar ucalmışdır.


Sumqayıt Bələdiyyəsi Bakı-Quba magistralı yaxınlığında iməcilik keçirərək, yeni yaşıllıq sahəsinin yaradılmasına başlamışdır

30.10.2014

Bu gün - oktyabrın 30-da Sumqayıt Bələdiyyəsinin kollektivi gənclik şəhərinin 65 illik yubileyi münasibətilə Bakı-Quba magistralının Sumqayıt girişində iməcilik keçirərək, yeni yaşıllıq sahəsinin yaradılmasına başlamışdır. Ağaçların pərakəndə deyil, planlı şəkildə əkilməsi üçün ilk növbədə sahədə müvafiq planlaşdırma-ölçü aparılmış, əraziyə torpaq tökülmüş, hamarlanmış və digər abadlıq işləri görülmüşdür.


Əbülfəz Babayev: Avropa Şurasının Yerli və Regional Hakimiyyətlər Konqresi erməni separatizmini pisləyən qərar qəbul etmişdir

28.10.2014

Üzvləri sırasında Sumqayıt Bələdiyyəsinin sədri professor Əbülfəz Babayevin də olduğu Azərbaycan nümayəndə heyəti Avropa Şurasının Yerli və Regional Hakimiyyətlər Konqresinin Strasburqda keçirilən 27-ci sessiyasında MDB ölkələrində baş qaldıran separatizm halları ilə bağlı bəyanat layihəsi ətrafında aparılan geniş müzakirələrdə iştirak etmişdir. Konqresin plenar iclasında ölkəmizin nümayəndə heyətinin üzvləri Gürcüstan, Ukrayna və Moldovadan da öncə ...


Sumqayıt Bələdiyyəsi 18-ci məhəllədə yolun təmirinə başlayıb

21.10.2014

Respublikamızın bütün regionlarında, o cümlədən Sumqayıtda şəhər İcra Hakimiyyəti tərəfindən aparılan geniş abadlıq tədbirləri çərçivəsində Sumqayıt Bələdiyyəsi də öz ərazisində təmir-abadlıq işlərini davam etdirməkdədir. Bugünlərdə  metallurqların C.Cabbarlı adına Mədəniyyət evinin qarşısindakı gediş-gəlişi çox olan yolun yararsız hala düşməsini nəzərə alaraq, Sumqayıt Bələdiyyəsi həmin yolun əsaslı təmirinə başlamışdır.


Sumqayit Bələdiyyəsi Qurban bayrami münasibətilə 750-dən artiq ailəni sevindirmişdir

04.10.2014

Bugünlər Sumqayıt şəhər İcra Hakimiyyətinin rəhbərliyi ilə şəhərimizdə  müsəlman dünyasının müqəddəs bayramlarından olan Qurban bayramına geniş hazırlıq işləri aparılmışdır. Hər bir müsəlman üçün əziz olan bu  bayram tədbirləri çərçivəsində Sumqayıt Bələdiyyəsinin təşəbbüsü ilə bu gün Qarabağ Müharibəsi Əlilləri, Veteranları və Şəhid Ailələri, “Azərbaycan Çernobıl Əlilləri İttifaqı” İctimai Birliklərinin, Azərbaycan ƏIil Qadınlar, “Əlillərin beynəlxalq əməkdaşlığı uğrunda”, Azərbaycan Gözdən Əlillər cəmiyyətlərinin, II Dünya müharibəsi veteranları Birliyinin Sumqayıt şəhər şöbələrinin daha çox ehtiyacı olan üzvlərinə, aztəminatlı ailələrə, kimsəsiz, tənha adamlara qurban payları verilmişdir.


Sumqayıt Bələdiyyəsi şəhərin 65 illik yubileyi ilə bağlı Bələdiyyə parkında geniş bayram tədbiri keçirmişdir

24.09.2014

Sentyabrın 22-də Sumqayıtın Bələdiyyə parkında şəhər sakinlərinin, Bələdiyyə işçilərinin, məhəllə komitələrinin üzvləri və fəallarının iştirakı ilə Sumqayıtın 65 illik yubileyinə həsr edilmiş geniş bayram tədbiri keçirilmişdir.

Bələdiyyə rəhbərliyi tədbirə toplaşanları şəhərin yubileyi münasibətilə salamlayaraq, onları təbrik etdikdən sonra tədbirin aparıcıları Sumqayıtın tarixi haqqında məlumat verərək diqqətə çatdırmışlar ki, qədim Abşeron torpağında salınmış bu şəhər özünün 65 illiyini qeyd etsə də, bu yerlər öz tarixi kökləri ilə...


Sumqayıtın 65 illik yubiley tədbirlərində iştirak etmiş Rustavi meriyasının nümayəndə heyəti Sumqayıt Bələdiyyəsinin rəhbərliyi ilə görüşmüşdür

24.09.2014

Bu gün - sentyabrın 24-də Gürcüstanın Sumqayıtla qardaşlaşmış şəhəri olan Rustavinin merinin müavini Giorgi Tabatadzenin başçılıq etdiyi nümayəndə heyəti Sumqayıt Bələdiyyəsinin rəhbərliyi ilə görüşmüşdür.

Qonaqları səmimiyyətlə salamlayaraq, qəbul edən Sumqayıt Bələdiyyəsinin sədri professor Əbülfəz Babayev şəhərimizin yubiley tədbirlərində iştirak etdiklərinə görə qonaqlara və onların şəxsində Rustavi meriyasının rəhbərliyinə və bütün gürcü dostlara minnətdarlıq ifadə etmiş, qonaqlara Sumqayıtın  tarixi, dünəni və bügünü ...


Görülən 111 - 120 qədər, 204

Arxiv
Əlaqə
AZ5000 Sumqayıt şəhəri
Azərbaycan prospekti, 9
Tel.: (+994 018) 6459547
Fax: (+994 018) 6458609