Xəbərlər

Sumqayıt Bələdiyyəsinin payız iməciliyi

18.11.2013

Sumqayıt Bələdiyyəsinin kollektivi 17 noyabr - Milli Dirçəliş günü münasibətilə növbəti payız iməciliyi  keçirmişdir. Şəhər sakinlərinin sevimli istirahət guşələrindən olan Bələdiyyə parkında – Sumqayıt Dövlət Dram Teatrının yerləşdiyi ətraf ərazidə təşkil olunmuş tədbir zamanı Bələdiyyə işçiləri oradakı 200-dən artıq ağaca aqrotexniki qulluq göstərərək, onların diblərinə təbii gübrə vermiş və sulamış, bütün ağacaltı cəmənlikləri saralmış xəzəllərdən və müxtəlif tullantılardan təmizləmışlər.


Qurban Bayramınız Mübarək !

15.10.2013

İslam dünyasının müqəddəs bayramlarından olan Qurban bayramı respublikamızın hər yerində əziz, müqəddəs bayram kimi qeyd edilmişdir. 14 oktyabr 2013-cü ildə Sumqayıt Bələdiyyəsinin təşəbbüsü ilə müqəddəs  bayram münasibəti  ilə Bələdiyyə ərazilərində yaşayan aztəminatlı ailələrə qurban hədiyyələri, payları verilmişdir.


Tanınmış şahmatçı Zeynəb Məmmədyarova Sumqayıt Bələdiyyəsinin sədr müavini seçilmişdir

04.10.2013

Azərbaycan şahmat məktəbinin tanınmış qadın nümayəndəsi, beynəlxalq dərəcəli qrossmeyster Zeynəb Məmmədyarova oktyabrın 1-də  Sumqayıt Bələdiyyəsinin sədr müavini kimi ilk iş gününə başlamışdır. Sumqayıt  Bələdiyyəsində yaxın günlərdə boşalmış həmin vakansiya yerini tutmaq üçün qurum üzvlərinin  ümumi yığıncağında sumqayıtlıların 2009-cu ildə 18 nəfər Bələdiyyə üzvündən biri kimi yüksək etimad göstərdiyi  gənc şahmatçı yekdil rəyə əsasən Sumqayıt Bələdiyyəsinin sədr müavini seçilmişdir .


Sumqayıt Bələdiyyəsinin kollektivi Şəhər gününü Sumqayıt ictimaiyyəti ilə birgə bayram etmişlər

24.09.2013

Bütün sumqayıtlılar artıq ikinci ildir ki,  təntənəli şəkildə keçirilən Şəhər gününü bayram etməyə yüksək ovqatla hazırlaşaraq, sentyabrın 24-də səhər tezdən Sumqayıtın mərkəzinə - Bayraq meydanına axışırdılar. Milli Ordu əsgərlərinin, matroslarının, sərhədçilərinin xüsusi geyimlərində daha yaraşıqlı görünən məktəblilərin, baxça uşaqlarının velesopedçi “qvardiyası”, iri gül-çiçək dəstəsinə bənzəməklə səmaya ucalan çoxsaylı rəngli şarlar “buketləri”, müxtəlif plakatlar və digər bayram atributları şəhər sakinlərinin bayram ovqatını, sevincini daha da artırırdı.


Ankarada “Azərbaycan gecəsi” təşkil olunub

17.07.2013

Ankaranın Keçiören rayon Bələdiyyəsinin təşkil etdiyi 5-ci Beynəlxalq Ramazan şənlikləri çərçivəsində iyulun 16-da “Azərbaycan gecəsi”  təşkil olunub. Azərbaycanın Türkiyədəki səfirliyindən verilən məlumata görə, “Azərbaycan gecəsi” münasibətilə Keçiören Bələdiyyəsinin təşkilatçılığı və səfirliyimizin dəstəyi ilə 5-ci Beynəlxalq Ramazan şənliklərinin keçirildiyi sahədə Azərbaycan Evinin açılışı da olub.


Ulu öndər Heydər Əliyevin 90 illiyinə həsr edilmiş futbol yarışlarına yekun vuruldu

17.06.2013

İyunun 15-də Sumqayıt Bələdiyyəsi məhəllə komitələrinin 11-12 yaşlı uşaqlardan ibarət futbol komandaları arasında  Ulu Öndər  Heydər Əliyevin 90 illiyinə həsr edilmiş “Sumqayıt Bələdiyyəsi kuboku” uğrunda  futbol yarışlarına start verilmişdir. Artıq 8-ci dəfədir ki, şəhərin yeniyetmələri böyük həvəslə yaşıl meydançalarda toplaşaraq, yüzlərlə futbolsevərlərinin qarşısında öz məharətlərini nümayiş etdirirlər. Builki yarışlara qatılmış 24 komanda qələbə uğrunda 2 qrupda mübarizə aparmışlar.


“Sumqayıt Bələdiyyəsi kuboku” uğrunda futbol yarışlarına start verildi

15.06.2013

“Azərbaycan Respublikasında 2005-2015-ci illərdə futbolun inkişafına dair Dövlət Proqramının təsdiq edilməsi haqqında” Azərbaycan Respublikası Prezidentinin Sərəncamının icrasını təmin etmək, şəhərdə uşaq futbolunun kütləviliyinin artırılması, uşaqların yay tətili dövründə asudə vaxtlarının təşkil etmək məqsədilə bələdiyyənin məhllə komitələrinin 11-12 yaşlı uşaqlardan ibarət futbol komandaları arasında 15 iyun-Milli Qurtuluş gününə və Ulu Öndər Heydər Əliyevin 90 illik yubileyinə həsr edilmiş ...


II Dünya müharibəsi veteranları ilə görüş keçirilmişdir

08.05.2013

Hər il olduğu kimi bu il də Sumqayıt Bələdiyyəsi öz ənənəsinə sadiq qalaraq, mayın 8-də 1941-1945-ci illər müharibəsi veteranları ilə görüş keçirilmişdir. Tədbirdə Sumqayıt Bələdiyyəsinin sədri professor Əbülfəz Babayev II Dünya müharibəsi veteranlarının keçdiyi ağır və məşəqqətli döyüş yolu barədə danışaraq, düşmənə qarşı fədakarlıqla vuruşmuş hər bir veteranın xalqımızın fəxri, gənclərimiz üçün bir örnək olduğunu bildirmiş ...


Şahmat-dama yarışlarına start verildi

30.04.2013

30 aprel 2013-cü ildə Sumqayıt Bələdiyyəsinin məhəllə komitələrinin  arasında Azərbaycan  xalqının ümummilli lider H.Əliyevin  90 illik yubileyinə həsr edilmiş şahmat-dama yarışları keçirildi. Tədbiri Saumqayıt Bələdiyyəsinin sədri professor Ə.Babayev açaraq   şəhərimizin salınmasında  aparılan geniş miqyaslı abadlıq və quruculuq işləri, infrastrukturun inkişafı,  yeni istehsal sahələrinin açılması bir sözlə Azərbaycan iqtisadiyyatında öz xüsusi çəkisi olan ...


Çernobıl əlillərinə Sumqayıt Bələdiyyəsinin qayğısı

29.04.2013

29 aprel 2013-cü il tarixində Sumqayıt Bələdiyyəsinin İcra aparatında Ukraynanın Çernobıl Atom Elektrik Stansiyasında baş vermiş qəzanın 27-ci ildönümü münasibəti ilə tədbir keçirilmişdir. Tədbirdə Sumqayıt Bələdiyyəsinin sədri Əbülfəz Babayev vaxtılə bütün dünya ictimaiyyətində böyük təşviş və həyəcan, gərgin narahatlıq yaratmış qəza, onun yaranma səbəbi və ağır nəticələri barədə geniş məlumat vermişdir. Bildirilmişdir ki, 1986-cı ildə baş vermiş qəzanın nəticələrinin aradan qaldırılması üçün Sumqayıt şəhərindən 450 nəfərdən artıq könüllü Ukraynaya köməyə getmişdir.


Görülən 161 - 170 qədər, 209

Arxiv
Əlaqə
AZ5000 Sumqayıt şəhəri
Azərbaycan prospekti, 9
Tel.: (+994 018) 6459547
Fax: (+994 018) 6458609