Xəbərlər

Almaniyanın “Cənubi Qafqazda yerli özünüidarəetmə proqramı”nın yeni rəhbəri Sumqayıt Bələdiyyəsinin sədri ilə görüşmüşdür

03.08.2015

“Cənubi Qafqazda yerli özünüidarəetmə proqramı”nın yeni rəhbəri Aksel Mülleri səmimiyyətlə qarşılayan Sumqayıt Bələdiyyəsinin sədri professor Əbülfəz Babayev Almaniyanın Lüdviqshafen şəhəri ilə Sumqayıtın çoxillik qardaşlıq əlaqələrinin uğurla davam etməsindən, sosial-iqtisadi sahələrdə qarşılıqlı təcrübə mübadilələrinin praktiki əhəmiyyətindən, bu iki sənaye şəhərinin partnyorluq münasibətlərinin nümunə olacaq dərəcədə faydalı olmasından söhbət açmışdır. Bələdiyyə sədri son illərdə Sumqayıtın ekoloji mühitinin sağlamlaşdırılması, qorunub-saxlanması istiqamətində əldə olunmuş uğurların təbliğinin aparılmasında alman ekoloq-mütəxəssislərinin səylərini yüksək dəyərləndirmişdir.  


FHN-nin Sumqayıt Regional Mərkəzi Sumqayıt Bələdiyyəsinin məhəllə komitələri nümayəndələri üçün geniş seminar keçirmişdir

30.07.2015

İyulun 29-da Azərbaycan Respublikası Fövqəladə Hallar Nazirliyinin Sumqayıt Regional Mərkəzi Sumqayıt Bələdiyyəsi ilə razılaşdırılmış qarşılıqlı tədbirlər planı əsasında “Sumqayıtın tarixi” Muzeyinin akt zalında Bələdiyyənin məhəllə komitələri nümayəndələri üçün “Fövqəladə hallar zamanı davranış və yanğın təhlükəsizliyi qaydaları” mövzusunda maarifləndirmə xarakterli geniş seminar keçirmişdir.


Sumqayıt Bələdiyyəsinin sədri Əbülfəz Babayev Türkiyədə keçirilən Beynəlxalq Ramazan festivalında iştirak etmişdir

21.07.2015

Sumqayıt Bələdiyyəsinin və Azərbaycan Şəhər Bələdiyyələri Milli Assosiasiyasının sədri professor Əbülfəz Babayev bugünlərdə Türkiyənin Keçiörən Bələdiyyəsinin təşkilatçılığı və Azərbaycanın Türkiyədəki səfirliyinin dəstəyi ilə keçirilən 6-cı Beynəlxalq Ramazan şənliklərində iştirak etmişdir. Bir çox müsəlman ölkələri nümayəndələrinin iştirak etdiyi bayram tədbiri çərçivəsində “Azərbaycan Evi”nin açılışı Türkiyə-Azərbaycan dostluğu və qardaşlığının yeni bir nümunəsi kimi özünün xüsusi əhəmiyyəti ilə daha yaddaqalan olmuşdur.


“Bələdiyyə kuboku” uğrunda futbol turnirinin finişinə doğru məhəllə uşaq komandaları arasında mübarizə daha da güclənir

16.07.2015

Sumqayıt Bələdiyyəsinin dəstəyi və təşkilatçılığı ilə 15 iyun – Milli Qurtuluş günü münasibətilə məhəllə komitələrinin 11-12 yaşlı uşaqlardan ibarət futbol komandaları arasında keçirilən “Bələdiyyə kuboku” uğrunda futbol turniri uğurla davam edir. Ənənəvi olaraq 2006-cı ildən başlayaraq təşkil edilən “Bələdiyyə kuboku” uğrunda budəfəki 10-cu yubiley futbol turnirində də şəhərin müxtəlif məhəllə və mikrorayonlarının məhəllə komitələri tərəfindən təşkil edilmiş 20 komandanın tərkibində 300-ə qədər uşaq özlərinin ilkin futbolçu bacarıqlarını nümayiş etdirir.


Sumqayıtda Milli Qurtuluş günü münasibətilə uşaq futbol komandaları arasında keçirilən “Bələdiyyə kuboku” uğrunda futbol turnirinə start verilmişdir

16.06.2015

Bugünlərdə Sumqayıtın M.Hüseynzadə adına mərkəzi şəhər stadionunda Sumqayıt Bələdiyyəsinin dəstəyi və təşkilatçılığı ilə ənənəvi olaraq hər il 15 iyun – Milli Qurtuluş günü münasibətilə Bələdiyyənin məhəllə komitələrinin 11-12 yaşlı uşaqlardan ibarət futbol komandaları arasında keçirilən “Bələdiyyə kuboku” uğrunda uşaq futbol turnirinin açılışı olmuşdur.


Sumqayıtda bələdiyyələrlə qeyri-hökumət təşkilatlarının əlaqələrinin inkişafı ilə bağlı geniş tədbir keçirilmişdir

12.06.2015

İyunun 10-da Sumqayıt Bələdiyyəsi və "Tərəqqi” Sosial-iqtisadi inkişaf İctimai Birliyi Azərbaycan Respublikasının Prezidenti yanında Qeyri-hökumət Təşkilatlarına Dövlət Dəstəyi Şurasının maliyyə dəstəyi ilə “Sumqayıtın tarixi” muzeyində “Sumqayıt, Quba və İsmayıllı bələdiyyələri ilə qeyri-hökumət təşkilatlarının münasibətlərinin inkişafı” mövzusunda geniş tədbir keçirilmişdir.


Sumqayıt Bələdiyyəsində Milli Qurtuluş gününə həsr edilmiş tədbir keçirilmişdir

04.06.2015

Ulu öndər Heydər Əliyevin 1993-cü ilin iyununda özünün tarixi missiyasını yerinə yetirərək, yenidən Azərbaycan rəhbərliyinə qayıdışının növbəti ildönümü ilə bağlı iyunun 4-də Sumqayıt Bələdiyyəsində geniş tədbir keçirilmişdir. Tədbiri giriş sözü ilə açan YAP-ın Sumqayıt şəhər təşkilatının Sumqayıt Bələdiyyəsi üzrə ilk partiya təşkilatının sədri Eldar Məmmədov xalqımızın ümummilli lideri kimi Heydər Əliyevin Azərbaycanın son dövrlər tarixində ölkəmizin sosial-iqtisadi inkişafı sahəsində, bir dövlət kimi bütün dünyada siyasi nüfuzunun yüksəldilməsində misilsiz xidmətlərindən danışmışdır


Sumqayıt Bələdiyyəsinin sədr müavini, qrossmeyster Zeynəb Məmmədyarova: “Fəxr edirəm ki, ilk Avropa oyunlarının məşəlini Sumqayıtda alovlandırmaq şərəfi mənə nəsib oldu”

04.06.2015

Bir-neçə gündən sonra - iyunun 12-də ölkəmizin paytaxtında keçiriləcək "Bakı-2015” ilk Avropa Olimpiya Oyunlarının məşəl estafeti respublikamızın bir-çox şəhər və rayonlarından sonra mayın 31-də Sumqayıta da gəlib çatmışdı. Şəhərin mərkəzində Ulu öndər Heydər Əliyevin əzəmətlə ucalan abidəsi önündə məşəl estafetinin qarşılanma mərasiminə toplaşan minlərlə sakin orda Avropa Oyunların bayramsayağı bəzədilmiş rəmzi qapısında Odlar yurdu Azərbaycanın qədim Atəşgah məbədindən alovlandırılmış Olimpiya məşəlini sevinc sədaları və alqışlarla qarşılamışdılar. Sumqayıtın 10 tanınmış idmançısı məşəli növbə ilə bir-birinə ötürərək, Heydər Əliyev və Sülh prospektləri, Səməd Vurğun küçəsindən keçməklə Azadlıq prospektində yol boyu düzülən sumqayıtlıların gur alqışları altında Bayraq meydanına çatdırmışdılar.


Sumqayıt Bələdiyyəsində Almaniyanın “Cənubi Qafqazda yerli özünüidarəetmə proqramı”nın yeni rəhbəri Aksel Müllerlə görüş olmuşdur

04.06.2015

“Cənubi Qafqazda yerli özünüidarəetmə proqramı”nın yeni rəhbəri ilə tanışlıq xarakteri daşıyan görüşdə qonağı səmimiyyətlə qarşılayan Sumqayıt Bələdiyyəsinin sədri professor Əbülfəz Babayev Almaniyanın Lüdviqshafen şəhəri ilə çoxillik qardaşlıq əlaqələri olan Sumqayıtın yaranma tarixi, onun Azərbaycan iqtisadiyyatının gücləndirilməsində rolu barədə ətraflı məlumat vermişdir.


Sumqayıt Bələdiyyəsində məktəblilərin respublika fənn olimpiadasında qalib gəlmiş sumqayıtlı şagirdlərlə görüş keçirilmişdir

01.06.2015

Bugünlərdə respublikamızda məktəblilər arasında müxtəlif fənnlər üzrə keçirilmiş olimpiadanın final turunda Sumqayıtın bir çox təhsil müəssisələrinin şagirdləri yüksək bilik və istedad nümayiış etdirərək, olimpiadanın qalibləri sırasında yer tutmuşlar. Ali məktəblərə qəbul zamanı və müxtəlif bilik yarışlarında ənənəvi olaraq daim yüksək nəticələrə nail olan sumqayıtlı məktəblilər bu dəfə doğma şəhərə 14 medalla qayıtmışlar.


Görülən 71 - 80 qədər, 198

Arxiv
Əlaqə
AZ5000 Sumqayıt şəhəri
Azərbaycan prospekti, 9
Tel.: (+994 018) 6459547
Fax: (+994 018) 6458609